Wafa Shaery

Ya to mit jaiye ya mita dijiye

Ya to mit jaiye ya mita dijiye
kijiye jab bhi sauda khara kijiye
ab jafa kijiye ya wafa kijiye
aakhari waqt hai bas dua kijiye
apne chehare se zulfen hata dijiye
aur phir chand ka samana kijiye
har taraf phul hi phul khil jayenge
aap aise hi hanste raha kijiye
aap ke ye hansi jaise ghungaru baje
aur qayamat hai kya ye bata dijiye

Ya rab! gam-e-hijran mein itna to kiya hota

Ya rab! gam-e-hijran mein itna to kiya hota
jo hath jigar pe hai wo dast-e-dua hota
ik ishq ka gham aafat aur us pe ye dil aafat
ya gham na diya hota ya dil na diya hota
gairon se kaha tum ne gairon se suna tum ne
kuch hum se kaha hota kuch hum se suna hota
umeed to bandh jati taskin to ho jati
wada na wafa karte wada to kiya hota
nakam-e-tamanna dil is soch mein rehta hai
yun hota to kya hota yun hota to kya hota

Socha nahi acha bura dekha suna kuch bhi nahi

Socha nahi acha bura dekha suna kuch bhi nahi
manga khuda se raat din tere siva kuch bhi
nahidekha tujhe socha tujhe chaha tujhe puja tujhe
meri khata meri wafa teri khata kuch bhi nahi
jis par hamari aankh ne moti bichaye raat bhar
bheja wahi kagaz use hum ne likha kuch bhi nahi
ik sham ke dahaliz par baithe rahe wo der tak
aankhon se ke baten bahut muh se kaha kuch bhi
nahido char din ke baat hai dil khak mein so jayega
jab aag par kagaz rakha baki bacha kuch bhi nahi
ahasas ke khushbu kahan, aavaz ke jugnu kahan
khamosh yadon ke siva, ghar mein raha kuch bhi nahi

Vahashat-e-dil sila-e-abalapai le le

vahashat-e-dil sila-e-abalapai le le
mujh se ya rab mere lafzon ke kamai le le
aql har bar dikhati thi jale hath apne
dil ne har bar kaha aag parai le le
main to us subah-e-darakhshan ko tavangar janun
jo mere shahar se kashkol-e-gadai le le
tu gani hai magar itni hain sharayat meri
ye mohabbat jo hamen ras na aayi le le
apne divan ko galiyon me liye phirta hun
hai koi jo hunar-e-zakhmnumai le le

Wafa ke shish mahal mein saja liya main ne

wafa ke shish mahal mein saja liya main ne
wo ek dil jise pathar bana liya main ne
ye soch kar ki na ho tak mein khushi koi
gamon ki ot mein khud ko chupa liya main ne
kabhi na khatm kiya main ne roshani ka muhaz
agar chirag bujha, dil jala liya main ne
kamal ye hai ki jo dushman pe chalana tha
wo tir apne kaleje pe kha liya main ne
‘qateel’ jisaki adavat mein ek pyar bhi tha
us aadmi ko gale se laga liya main ne

Wafa ke khwab muhabbat ka aasara le ja

wafa ke khwab muhabbat ka aasara le ja
agar chala hai to jo kuch mujhe diya le ja
maqam-e-sud-o-ziyan aa gaya hai phir janan
ye zakhm mere sahi tir to utha le ja
yahi hai qismat-e-sahara yahi karam tera
ki bund bund ata kar ghata ghata le ja
gurur-e-dost se itna bhi dilshikasta na ho
phir uth ke samane daman-e-iltaja le ja
nadamaten hon to sar bar-e-dosh hota hai
‘faraz’ jan ke evaz aabaru bacha le ja

Wafa ke bhes mein koi raqib-e-shahar bhi hai

wafa ke bhes mein koi raqib-e-shahar bhi hai
hazar! ke shahar ke qatil tabib-e-shahar bhi hai
wohi sipah-e-sitam khemazan hai charon taraf
jo mere bakht mein tha ab nasib-e-shahar bhi ha
iudhar ke aag idhar bhi pahunch na jaye kaheen
hawa bhi tez hai jangal qarib-e-shahar bhi hai
ab us ke hijr mein rote hain us ke ghayal bhi
khabar na thi ke wo zalim habib-e-shahar bhi hai
ye raz nara-e-mansur hi se hum pe khula
ke chub-e-mimbar-e-masjid salib-e-shahar bhi hai
kadi hai jang ke ab ke muqabile pe ‘faraz’
amir-e-shahar bhi hai aur khatib-e-shahar bhi hai

Kis se puchen hum ne kahan wo chehara-e-

             roshan dekha hai

kis se puchen hum ne kahan wo chehara-e-roshan dekha hai
mehfil mehfil dhundh chuke hain gulshan gulshan dekha hai
kis ko dekhen kis ko na dekhen, phul bhi hain kaliyan bhi magar
jis se lagayi aankh usi ko dil ka dushman dekha hai
rang-e-bahar-e-subah-e-gulistan kya dekhe wo diwana
jis ki nazar ne ek hi gul mein sara gulshan dekha hai
ahl-e-wafa ke khoon ke chinten dur tak udakar jati hai
nmera tadapana dekhane wale apna bhi daman dekha hai?
aj unhen jo chahe samajh lo warna yahi ‘taskin’ hain jinhen
kal tak hum ne ku-e-butan mein khakbadaman dekha hai